vendredi 23 octobre 2009

حط البيضة حط البحري - صبغتنا تخرّجها عكري


حسرة على صوتك يا حمّة


حط البيضة حط البحري

صبغتنا تخرّجها عكري

حط الزرقاء حط الخضراء

حنتنا تلوّنها حمراء

***


إذا تحب تدخل للجنة

و تلقى فيها ما تتمنّى

حط الحمراء منّا و منّا

و بلاشي صبيغة و لا حنّه


***

صوّت للعكري يا غافل

ما دامك خايف و جافل

ناضل ناضل يا مناضل

احكي عالجايع و العاطل


***


احكي علِّ ف أيّام قلايل

عبّى هذا الكم الهايل

اشطح يا عكري و تمايل

وطني باقي و عفسك زايل


من رباعيات النيام



حسرة على أيّامك يا حمّة
مربوط بعيلة ومرا
إلّي تجري شهر تلمّه
في جمعة تلقاه وفى
تحية وفاء لمنير الطرودي و الصامد لطفي بوشناق والب.ت.ب

Aucun commentaire: