الكوكي مرشح الرئاسية في تربص بمستشفى الأمراض النفسية

جاء في آخر تنقيح للدستور
أنه على كل مترشح أن يكون طرطور
أو أن يمضي بالرازي بضع شهور
ليفهم سياسة البلاد و فن تسيير الأمور

تحية تقدير إلى الأخ المهندس علية الكوكي

مرشح الإنتحابات الترعيشية في مستشفى الأمراض النفسية

Delahoja - Periodistas




هاذية بلادي و نحكي فيها مانيش مجنون
ويني الحرية وقتلّي تمشي تشوف السجون
حاكم يخلبز بالفلوس يبيعوا في القانون
وين الصحافة وين الإعلام وين التيليفزيون

في كل محل منين تمشي تلقى صورة المعلم
في الكياسات شوارع البلاد الحنوشة تفلم
وين القرّاية وين الناس وين كلمة علّم
نشوفوا في الهم و الغم و حد ما يتكلم

ورقة ستيلو ضد الريح, ما تخبيش الي تشوفو صحيح
برشا حفر, عينيك لا تطيح في اللوطا
عيش راجل, قلبك صحيح, ما تخلي الكرامة تطيح
أحكي, كلم, ناقش قول ليبرتا

حكايات غريبة نعيشوا و العدالة ما فماش
في بلاد القوة بلاد الحاكم وين تطغى الأحناش
تولدنا حرار يا ناس الأحباس ما تسكتناش
طعم الحرية و الحقيقة رانا ما نخبيوهاش

نحكي قي حقيقة نعيشوا فيها رانا الناس الكل
قلوب الناس محروقة و زادت تعبات بالغل
فديت في الشارع إهانة زيد يوريك الذل
نعيشوا في حبس تتكلم تطيش وراء التل

هاذية عيشة عملوا فينا رانا كيف الكلاب
عيشة مرّار و ضغط و مقط و العذاب
اليدين مكتوفة و الرقبة راهي تحت الأنياب
برشة حكايات نعيشوها أكثر من ألف كتاب

Delahoja- el Mordisco